Gan fod Cymru’n gweithio tuag at ei tharged net sero, mae sefydliadau o dan bwysau cynyddol i leihau eu hôl troed carbon. Mae Prentisiaeth Ynni a Rheoli Carbon a ariennir yn llawn gan Educ8 yn helpu busnesau i ateb yr her hon drwy roi’r sgiliau, yr wybodaeth a’r hyder i weithwyr i ysgogi newid amgylcheddol ystyrlon.
Yn ystod Wythnos Hinsawdd Cymru, buom yn siarad ag un o’n hyfforddwyr, Suzanne Evans, am bwysigrwydd ynni a hyfforddiant rheoli carbon. Dyma’r hyn a rannodd hi.
Cefnogi sefydliadau i ddod yn fwy cynaliadwy
Mae Prentisiaeth Hyfforddiant Ynni a Rheoli Carbon yn helpu cyflogwyr ledled Cymru i wneud y canlynol:
- Gwella cynaliadwyedd amgylcheddol a lleihau allyriadau carbon
- Sefydlu ymddygiadau gwyrdd ar draws timau
- Cryfhau ceisiadau tendr a grantiau drwy ddangos gweithredoedd cynaliadwyedd
- Adeiladu arbenigedd mewnol i gefnogi cynlluniau datgarboneiddio
Mae dysgwyr yn archwilio deddfwriaeth allweddol fel y Ddeddf Newid Hinsawdd, Deddf yr Amgylchedd (Cymru), a Deddf Llesiant Cenedlaethau’r Dyfodol, gan roi’r sylfaen iddynt ddylanwadu ar benderfyniadau a hyrwyddo arferion cynaliadwy yn eu sefydliad.
Dan sylw’r Dysgwr: Michelle Evans, Canolfannau Bywyd Awtistiaeth, CIC
Rol: Swyddog Gweinyddol a Grantiau
Ymunodd Michelle â’r Brentisiaeth Ynni a Rheoli Carbon i ddeall yn well sut y gallai ei sefydliad leihau ei effaith amgylcheddol. Ers hynny, mae hi wedi cymryd camau rhagweithiol i annog dewisiadau mwy gwyrdd ymhlith staff, gan gynnwys:
- Hyrwyddo newidiadau dyddiol syml fel diffodd goleuadau
- Monitro data trafnidiaeth a chyflwyno argymhellion megis rhannu ceir a defnydd cynyddol o drafnidiaeth gyhoeddus
- Annog mentrau cerdded i leihau allyriadau a hybu lles
- Rhannu arferion gorau drwy grŵp llywio newid yn yr hinsawdd ei hawdurdod lleol
Mae ei gwaith wedi helpu Canolfannau Bywyd Awtistiaeth CIC i leihau allyriadau ac adeiladu diwylliant cryfach o gynaliadwyedd ar draws y sefydliad.
“Mae’r brentisiaeth wedi rhoi’r hyder a’r ddealltwriaeth i mi ddylanwadu ar benderfyniadau a chefnogi newid yn ein sefydliad.”
Pwy sy’n gallu manteisio?
Mae’r Prentisiaeth Ynni a Rheoli Carbon yn ddelfrydol ar gyfer:
- Rheolwyr Iechyd a Diogelwch
- Rheolwyr Cyfleusterau
- Timau Caffael
- Staff Gweithredol
Gall unrhyw sefydliad sy’n edrych i fod yn fwy cynaliadwy elwa gan gofrestru aelodau’r tîm.
Beth gall dysgwyr ennill
Erbyn diwedd y rhaglen, gall dysgwyr ddisgwyl:
- Deall deddfwriaeth amgylcheddol allweddol
- Cyfrannu at gyflwyno ceisiadau cryfach am grantiau a tendrau
- Codi ymwybyddiaeth o amcanion amgylcheddol yn eu sefydliad
- Adeiladu rhwydweithiau newydd drwy weithdai cydweithredol
- Meddyliwch yn greadigol am atebion ymarferol i heriau amgylcheddol
Dechreuwch eich taith gynaliadwyedd
Mae’r Brentisiaeth Ynni a Rheoli Carbon wedi’i hariannu’n llawn gan Lywodraeth Cymru, sy’n ei gwneud yn llwybr hygyrch ac effeithiol i unigolion a sefydliadau sydd wedi ymrwymo i leihau eu hôl troed carbon.
Dysgwch mwy neu dechrau nawr:
https://www.educ8training.co.uk/apprenticeships/
